الأحد , 11 أبريل 2021
1 Star2 Stars3 Stars4 Stars5 Stars (No Ratings Yet)
Loading...

قصيدة قلبي اللي كان مضيفة للشاعر أشرف ناجي

بوح النوارس في قلبي ..
كان غنا طازه
بيفتت الحزن .. ذي الحصوه في الحالب
والمستحيل الصعب ..
من يأسه يبات مغلوب ..
ويكسر الوهم ..
والممكن يكون غالب …
والحرف أصبح عصي .. والمبتدأ مجرور
وكل ما في الحياة .. موجب بقي سالب
الخوف سكن في الحشا .. ونما كما نطفة
مستنظرين حملها .. والكدبه معروفة
وحتى كلمة أمل
بقيت ألم ودموع
والهم فوق وشكم .. بقي حاجة مكشوفه
ولا عبر الشعر مره عن مواجعكم ..
وقصايد الشعر من عما يلكوا مكسوفه
ممنوعه حتى من اللي .. في ضمايركم
ممنوعه م الزقزقة والضحك والشوفه ..
عمري اللي كان مسبحة …
بالواحده بتعدوه
لما انفرط بالوجع
وسط الوجع سبتوه ..
ولا نور فتيله ف طريق ..
يبعدنا م التوهة
ولا حتى ومضة أمل ..
ولا سكة مرصوفة
والتور لما وقع ..
كترت سكاكينه
مش انتوا برضه اللي كنتوا
في حزنكم تدعوه ..
قلبي اللي كان مضيفه .. وانتوا اللي ساكنينه
دا انا قلبي فيكوا اتخدع ..
ياما شاف خِدع ووشوش
مخفية في الأقنعة .. متلونه برتوش
حياتنا حزن وبكا .. والهم ورثينه
ولحد إمتى حنفضل بالألم عايشين
والقهر يشبه حصير …
ع الأرض فارشينه
القلب تاني انتفض ..
كما زلزلة في الكون
وقام في ثورة غضب
حدد سكاكينه …..
وقال يا دنيا السلام
على كل ما فيكي
اللي اشتراه اشتراه
وباع اللي بايعينه

————–

شاهد أيضاً

قصيدة عشقتك وطني للشاعر محمد عبد العال آدم

أنا من يضحي بكلِّ الغوالي لأني عشقتُ ترابَ الوطن عشقتُ الروابي و صوتَ السواقي و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *