الأحد , 9 مايو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة يا ايتها النفس للشاعر محمد ظريف

يا ايتها النفس التي
ملهاش علاقة بربنا
لا تسأليني عن هوي
ف الحتة ديه بتعتي انا
اني نهيتك ف انتهي
وبلاش امور الشيطنة
اني مخاصم دنيتي
ما دام صلحا”بيننا
عمدا”رضية بعزلتي
حسيت براحة وبهنا
هبت عواصف ثورتي
تمتم لساني بالغنا
لا لا تستبيحي خلوتي
ف العقل يرفض قربنا
لمي عذالك وارحلي
وتصوفي وترهبني
توبي لربك وارجعي
اصحي الطريق مش من هنا
روحي اللي خافت ع الجسد
رافضة ان راسي تنحني
خايفة عليا م الوجع
او سن ابرة يشكني
امست نهاية رحلتي
سكت بداية بتتبني
معدش ينفع تشتكي
وتقولي ضيع عمرنا
مفضلش حاجة تنحكي
ولا عدش شئ بيهمني
ريحت بالي م القلق
ومشيت ف سكة تخصني
ورسمت خطة ع الورق
كسبت غنايم حربنا
وفرشت عرقي المصطنع
منديل ورق من صنعنا
ايام ما كنا للاسف
شركا ف حصيرة شرنا
والكلمتين بالمختصر
هذا فراقا” بيننا
يا ايتها النفس التي
ملهاش علاقة بربنا
وحيات فؤادي اللي اتبلي
واللي ربطنا ببعضنا
بوحي بسرك ع الملاء
يحكم ما بنا ربنا
حسب القانون المتبع
يرحم شعورنا بضعفنا
يوم القيامة المنتظر
يحسن ختامنا كلنا
ولحد ما يئون الاوان
اوعاكي يوم تتطمني
واوعي شعورك بالامان
يمشي ف سكة تذلنا

شاهد أيضاً

قصيدة عشقتك وطني للشاعر محمد عبد العال آدم

أنا من يضحي بكلِّ الغوالي لأني عشقتُ ترابَ الوطن عشقتُ الروابي و صوتَ السواقي و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *