الأحد , 9 مايو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة شدة و بندقية للشاعر محمد عبد العال آدم

طالع في إيدي الشدة و بندقية
ناوي أضحي بدمي و نور عينيا
حسب الأوامر فوق جبل أو جوه مية
أنا مش هأخالف أمر من أمي الوفية
أعزم و عزمي للجهاد مش أي نية
نية محارب حر من خير البرية
من مصر أم الكل أم الدنيا ديه
………………………..
أنا فوق جبالك يا سينا أو تحت ضل التل
أو فوق رمالك يا وادي أوبال تجيني و طل
زي الأسد منصوب صامد لا عمره مل
أحمي حماك يا مصر أقطع وريد محتل
………………………………..
علشان بلادي تعيش ممكن أذوق المر
و إن مت يا أمه شهيد قولي دا ابني الحر
عمره ما خاف من موج أو كر أو من فر
الناس تشوف العيد و أنا علي الحدود و البر
حرس سلاح ، اثبت ، و معايا كلمة سر
حضَّرلي كنجِي ، برنجِي ، أو شنجِي كله يمر
مهما تقيد النار مهما يفور الشر
أنا ع الحدود موجود حارس و لا مضطر
*****************
أنا كوني أموت شهيد مش دي القضية
لكن القضية إن مصر تكون عليَّة
لسة في إيدي الشدة و بندقية
ناوي أضحي بدمي و نور عينيا

شاهد أيضاً

قصيدة عشقتك وطني للشاعر محمد عبد العال آدم

أنا من يضحي بكلِّ الغوالي لأني عشقتُ ترابَ الوطن عشقتُ الروابي و صوتَ السواقي و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *