الأربعاء , 16 يونيو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة ( حروف الجر ) للشاعر: وليد المصري

انا الرافض
حروف الجر جواكى
وبتهجى الحرف والحرف
غرقان فى دنياكى
انا العاشق وانا الطيب
سنين من عمرى قضتها
وشفت القسوه وياكى
بحبك ايوه ما انكرشى
وحبك بين شرايينى
وقولت مسيرها تتغير
لكنك غاويه تإذينى
جنيتى كتير على قلبى
ظلمتى الحب بإديكى
خضعتى لصوت عدوينك
وروحتى للى يغويكى
تيجى دايما ع اللى صانك
ترمى حضنك للى خانك
تجرى للى بيدفع اكتر
وتبعيله حتى نفسك
كل حاجه رخيصه عندك
لساكى برضوا بترمى ودنك
للى غاويين الخراب
وبتاخدى منهم كل كدبه
تصدقيها تزوقيها بالعذاب
وتلومينى رغم إنى
مستنى الجواب
إرحمينى او سيبينى
اختار لقلبى اى باب
مش فى وهم تعيشينى
وتجبيلى إكتئاب
ولإنى حبيتك
من البدايه للنهايه
اخترت أكون بعيد
دفنت احلامى جوايا
وقفلت على قلبى
باب حديد
ما أنا ياما حبيتك
وخدت من عمرى واديتك
ما نصفتنيش
حاولت كتير أكون ليكى
رسمت الحلم في عنيكى
بحور وجبال تقويكى
تعديكى
سنين بتمر وتعدى
كاسات المر سقيانى
عذاب وهموم يا نسيانى
يا سرقانى ودبحانى
فى ليل الأه
وأنا صابر وبتصبر
بطعم المر والحنضل
وعمرى فى يوم ما بتأمر
وفى جراحى ماقلتش أه
سيبينى أعيش
داهما يومين وبا قينلى
وقطر العمر بيعدى
وبكره الموت هيخطفنى
ومتلقنيش سيبينى أعيش
د انا الماضى وأنا الحاضر
أنا الشقيان
أنااللى كرامتى وجعانى
أناالانسان

شاهد أيضاً

(الله واحد) .. فصل من رواية ( العوجة ) للشاعر والروائي: د. كارم عزيز

(الله واحد)       تراقص لسان النار وتلوَّى في صعوده في الفراغ ، مُدغدِغا ذرَّات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *