الثلاثاء , 27 يوليو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة ( صياد الهموم ) للشاعر: وليد المصري

أنا اللى حلمت بالكوم
وكتبت بالشعر موالى
أصبحت صياد للهموم
والحزن راس مالى
إطعنينى كل يوم بخنجر
موتينى وإحيينى
دوقينى العسل بقطاره
وإسقينى المر فى كاسات
عايش فيكى وبعانى
والعمر عدى وفات
تايه وسط غابه
بين شجر ووحوش
أسود وضباع وديابه
بيهجموا ومين يحوش
وسط احلام الغلابه
متغيره كل الوشوش
دايره فى ساقيه قلابه
وملخبطه المعالم والرطوش
ياكل آه فى قلوبنا شايلنها
ودمعه حزينه حابسينها
بتوجعنا وتإلمنا
وكل دقيقه عايشنها
بدلتى ليه الفرحه جوانا
وسرقتى م العمر الساعات
راحت كل المعانى
واتبدلت كل الحاجات
لساكى قاسيه كتير قوى
وبتكسرى قلوب البنات
لساه الولد بيعانى
وبيشكى من الأزمات
والحلم اللى كان بكر
لسه برضوا ماشوفتهوش
مكتوب عليه الهكر
مكتوب يكون فنكوش
غاب الضمير فى البشر
والعدل مات مشنوق
والظلم زاد وانتشر
إمتى العباد هتفوق

شاهد أيضاً

(الله واحد) .. فصل من رواية ( العوجة ) للشاعر والروائي: د. كارم عزيز

(الله واحد)       تراقص لسان النار وتلوَّى في صعوده في الفراغ ، مُدغدِغا ذرَّات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *