الأربعاء , 16 يونيو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة ( مشاهد من حياتى ) للشاعر: وليد المصري

* المشهد الاول *

صوت الآذان فى الفجر
والنور مغطى المأذنه
والجامع كما البدر
والناس بتصلى وبتدعى
بالخير وطولت العمر
زقزقه العصافير ع الشجر
لحظة طلوع النهار
والخلق ساعيه لرزقها
بنشاط وهمه وفخر
ترمى السلام على بعضها

* المشهد الثانى *

مابين قلوع المراكب
والبحر وصوت الطيور
والشمس بتودع السما
لحظة قدوم القمر
والليل بيبدأ فى الظهور
مشهد لشكل السحاب
يسحر عيونا المؤمنه
فى ساعة تأمل وانبهار
بتصحى فينا الأمانى الممكنه

* المشهد الثالث *

صوت الجماهير فى الاستاد
وهيه بتشجع بلدها
فرحة عيون الولاد
وعزف السلام الجمهورى
والرعشه اللى فى قلوبنا
وإحنا بنغنى بلادى بلادى
صرختنا مع أول هدف
وعلمنا مرفوع فى السما
إحساس يفوق الوصف

* المشهد الرابع *

حبيبتى بشوفها كل يوم
جميله بناسها الطيبين
فى ليل وقمر ونجوم
وضحكه فى وشوش البنات
بعقد من فل وياسمين
فرحة عروسه بليلة الزفاف
بمركب فى وسط النيل
لمة الصحبه ع القهاوى
وترمس وبليله ع الكورنيش
لعب الرياضه فى النادى
وفرحتنا بإنتصار الجيش
نزول الشعب فى الثوره
وغنانا تسلم الأيادى
زفة شهيد الوطن
والوحده ساعة المحن
أحلى مشهد فى الوجود

* المشهد الخامس *

قاعدين فى ساحة الانتظار
والرصيف مليان بالبشر
بيجى القطر وبنركب
ماشيين فى سكة سفر
على قضبان الحياه
والبياعين بتنادى وترزق
من كل اتجاه
مهما عشنا ومهما شوفنا
ومهما طال الوقت بينا
كل واحد له محطه
لما بيجى دوره ينزل
صوره اشبه بالبدايه والنهايه
لكل واحد عاش فى دنيا
والنصيب مكتوب مقدر

شاهد أيضاً

(الله واحد) .. فصل من رواية ( العوجة ) للشاعر والروائي: د. كارم عزيز

(الله واحد)       تراقص لسان النار وتلوَّى في صعوده في الفراغ ، مُدغدِغا ذرَّات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *