الأربعاء , 16 يونيو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة ( أميـــــر الـعـشـــق ) للشاعر: وليد المصري

أمير العشق والعشاق
وانا الفارس فى معركتى
بسحر جمالك انا المشتاق
وسهم عنيكى بيصبنى
بشوفك قلبى بيسلم
وبرفع راية الاشواق
وحبك فيا بيعلم
يحلف انه مايسبنى
وقلبى يبوح ويتكلم
وكل الدنيا تشهدلى
وبتعلم أكون قبطان
سفينه فى بحر دنياكى
وصوت نورس مع الكروان
بيعزف لحن فى سماكى
عروسة بحر جنيه
وعايشه فى صوره إنسيه
تشوفها عنيه فى الميه
تاخدنى معاها للاعماق
لدنيا جديده خياليه
فى مملكتك ادوب واشتاق
سنين من عمرى منسيه
لقيتها بجد وياكى
عيونك صفحه مقريه
فى كل قصيده فى كتابى
قريتها كتير ولا شبعتش
حبيبتى بجد بهواكى
مابين الرعشه والدهشه
عيونا لما تتقابل
بتفضحنا بشوق وهيام
وصوت القلب من جوه
يزيد دقه مع الانغام
وعشقك فيا بيسمع
رسملك صوره فى الننى
سكن فى القلب واتربع
مابين تنهيده والتانيه
فى حبك عينى بتدمع
وبتشوفك فى كل مكان
فى أفراحى وأحزانى
فى احلامى وموالى
فى غنايا والالحان
حورية جنه عشقتنى
وناستنى ليالى زمان
أميره ف قلبى وف قصرى
وانا العاشق انا الولهان
وبوهبلك سنين عمرى
وف حضنى تلاقى الامان
بحبك يقولها وجدانى
فى كل وقت وأدان
وبدعى فى ليلى ونهارى
تعوضنى سنين حرمان
وان يوم تعبنى الهوى
قلبك يدفينى ويرقينى
تسقينى من عسلك دوا
اشرب حنان ف يشفينى
حبك اكيد ترياق
خلانى ف سطور الزمن
أمير للعشق والعشاق

شاهد أيضاً

(الله واحد) .. فصل من رواية ( العوجة ) للشاعر والروائي: د. كارم عزيز

(الله واحد)       تراقص لسان النار وتلوَّى في صعوده في الفراغ ، مُدغدِغا ذرَّات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *