الأربعاء , 16 يونيو 2021
1 Star2 Stars3 Stars4 Stars5 Stars (No Ratings Yet)
Loading...

قصيدة ( اكسير حياه ) للشاعر: وليد المصري

لحظة ميلاد الحلم
جوه قلب الولد
مابين الامانى وحلم التمنى
فى حاجات كتيره بتتولد
اللى يحلم فكره يصنع
طوق نجاه
واللى يحلم بالبطوله
الحلم اوضح مهما كان الاتجاه
ولكل واحد فينا
صوره بتتولد جواه
وعشان ماتنجح فى الحياه
وتلاقى صورتك ع الافيش
لازم تعيش
فى القصه والحكايه
مهما كانت طويله
بصمتك
هاتجمل معانى الروايه
وكل الحاجات المستحيله
ياحلم ياللى بنحلمك ونصدقك
اظهر وبان فى القلوب الطيبين
ابدر بزورالحب فيهم
واسقيها من نهر الصبر
تطرح سنابل لاحلام ورديه
تعيش العمر
إفرش إديك للمظلومين
وإكسر فى شوكة كل ظالم
عاش ولعناه السنين
ياناى حزين إعزف لفرحه
فى القلوب العاشقين
وامسح كل دمعه
فى عيون المجروحين
يا شمس بكره نورى
واملى كل الكون ضياء
احلامنا لسه بتبتدى
ماتخليهاش تصبح فناء
فتحى الورد اللى طارح
خاللى عطره يفوح لنا
اكسير حياه

شاهد أيضاً

(الله واحد) .. فصل من رواية ( العوجة ) للشاعر والروائي: د. كارم عزيز

(الله واحد)       تراقص لسان النار وتلوَّى في صعوده في الفراغ ، مُدغدِغا ذرَّات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *