فكى الحصار

img

فكى الحصار.. عن قلبى خليه ينطلق

إن يستجير بالفاتحه .. م الحزن وبسورة الفلق

إن الذى  خلق الخلائق من علق

أنشأنى حر”ف” دنيتى ..

كما طير بيجرى فى البراح

لا يوم دخلنى حزنك الباهت ولا ..

قلبى عرف طعم الجراح

مين اللى دل  الحزن .. على سكة لقاى

مين اللى قال لليأس .. يسكن فى حشاى

إنتى ولا الزمن الردى

“قد كان وجهك فى الضحى  ..

مثل الضحى متهللا”

إيه اللى غير من ملامح ضحكتك

قلبى اللى كان .. واحه ومزروعه بشجر

من قسوتك .. أصبح خلاص حتة حجر

“ما عاد فى قلبى حنين”

وما عدتش ابكى لما اشوف سيل الدموع

وما عدتش اأمل فى الرجوع

وان كان ما بينا فيه عمار

وان كان حيطلع ..

من عنيكى ف يوم نهار

” ويعود للوجه الألق ”

وان كنت حتنازل وحاقبل إعتذار

وانسى سنين الإنتظار

مش قبل ما تفكى الحصار

عن قلبى ……… علشان ينطلق

مواضيع متعلقة