ريحة الدم الحرام

img

 

كل البغايا اتجمعوا
ساعة يهوذا م انظلم لجل الشبه
مين انتبه ياريحة الدم الحرام
لما دخلتي الشرق من أوسع مدى
يامبتدا موت النشيد
غرناطه تاني من جديد
نازفه مواسم قهرها تحت الحبال
عبق الخيال اللي انتهى
لما الجواد المنتشي أصبح بليد
حتى الصبية المستغيثه بالندا
رد الصدا
مات الخليفة المعتصم
فلنلتزم بالانبطاح
والصبر مفتاح الفلس
وقت انتحار العاديات
لو نفترض ان المغيرات العفيه مش هتيجي ف الصباح
واني مثار النقع مش فوق الرؤوس
طب مين يخضب للصبية كفها
ياحزنها
خلوها ترمي مهرها
بعد اغتيالكم عنتره
ياهلترى بعد ارتطام الجرح بصخور العمى
هتفضلوا موت الدموع
وتغيروا شكل العيون المبصره
ياهلترى تعويذة الدم الحرام
مرسومه لسه فوق حطان المقبره

مواضيع متعلقة