البشر..

img

البشر..
مش كلهم تحت السما
سُعدا
و المطره دايمــاً..
ابن شرعي للسحاب
دايمـاً..
مسار الأرض ف العيون..
نسبي
الدنيا..
واحة قلق
ما بين نعيم و عذاب
لغة العيون..
أجمل
حقيقة
في
امتداد
الشوف
و الحلم صاحب صاحبه
نن الفرس..
جامح
طلق البشر مكشوف
و الارض..
أجمل من بنات حوا
والواد..
لازمله حاجات
لجلن ما يتقوى
الارض ..
اصلب من ضلوع ادم
و البنت..
شايله الشيله ف البطن ..
تتسوى
يا قاذفين الحلم برصاصكم المنوي..
اللي اتولد..
موعود
للنسمة
و النوّه
الارض..
واحه للعيون ..
بتذل و تسامح
عيون بترصد..
في الميلاد
عيون بتقرى ..
ف الملامح
الارض تنهيدة ناياتي
وسط انفاس الشروق
البشر مش كلهم تحت السما سعدا
والسما مش صافيه فوق
السما مش كلهاعند البشر
سمحة.
و بتنهمر..
ف البكا
لو تسمع
إن اللي عاشوا..
فدو..لتراب الوطن
جابوا الوطن لله
وماتوا
ف
هدووووووووووووء

مواضيع متعلقة