ماريونيت

img

… إرخى الحبال ع الأرض
دمعى اللى سال ع الخد محتاج قوى لإيدى
و أنا إيدى مش طايلة و انت شاددها شد
و عشان ماتنهى العرض متحملاك سيدى .. غير صمتى مش قايلة
لبستنى ف هلاهيل ألوانها ظلمانى
متزوقة بشخاليل دبابيسها هريانى
جسمى اللى كله خشب بيحس و يعانى
و يصقف الجمهور تسحبنى أعيد تانى
ياما النفوس شايلة
ع الرف كومتنى و انا للسقوط آيلة
مسنودة بوجودك عايشة على جودك
تبعد تروح الروح و تروح اروح مايلة
همك اكون بريموت و الحبل آخره معاك
همى انى مرة اموت فى الكدر اكون وياك
حلمك تكون مشهور حلمى انى اكون لمساك
كل العروض زايلة
اوقف أوام العرض و ارخى الحبال ع الارض ..
و اطفى كمان النور
محتاجة حضن شهور
علشان اكون هايلة و يصقف الجمهور

مواضيع متعلقة