منيش فارس

img

منيش فارس كما الأحرار
بسيف بتار
بيهزم خوف محبينك
منيش زاهد ولا درويش
ولا بلبس هدومي خيش
عشان أقدر أقيد ليكي قناديلكِ
أنا النجمة اللى مطفية
ومخفية في ليل صبرك
بنادي كل يوم قمرك بنوره
يملا وجداني
سؤال يجي على لساني
صحيح ينفع أشاور ليكي عالسكة
وأنا معرفش عنواني؟؟!
انا ابنك
وفيكِ عشت متغرب
وتبعدني سنين حزنك
ألاقي قلبي بيقرب
ولو أملك سفينة نوح
راح أخدك فيها أنا وأهرب
دأنا الواقف على بابك
بناديلك يا محروسة
في ليل يوسف
تبات أحلامي محبوسة
ولا بملك عصا موسي
عشان بيها أغرق كل فراعينك

مواضيع متعلقة