أبويا والزمن اللي فات

img

وبابص في مرايتي القديمة
ما التقيش
غير بواقي من الوشوش
متكسرة م الذكريات
كله فات
كله فات
بس الي علم في اكتر
شكل ابوي
يوم ما مات
رجع الاحداث شوية
كمان شوية
شفتني
وانا عمري سبعة
في الشتا..
ودخلت انام
كنت نايم جنب اخوي
اسمع الصرخة اللي جاية من ابوى
م الالم يقفل في بقه عشان ننام
دمعه ينزل ينهمرمن غير كلام
وامي يتسند عليها
هي سنده ف دنيته
وحسن الختام
والقي جسمه بيتنفض
اصرخ ابوي
يبتسم…
رغم المواجع
غطي وشك ياحبيبي
يالله نام
رمضان زمان
والكل صايم بالعزيمة
كان في توقيته ف بئونة
الشمس تلفح
والحلق ناشف من مرارته
كان بيجرح
وابوي كان صايم بطبعه
كان مريض
بس كان عزمه حديد
والمية واقفة في المثانة هتنفجر
يمكن تفرقع م الصديد
رغم كل الطب قالو
اشرب المية وافطر
وهوا يتنطط ويصرخ
ربي قال في كتابه..
لو تصوب انا اشفي..
واقدر
طب وانا ودينك ما ها فطر
لو هامت وانا لسة صايم
اشرف لي وافخر
وابقى فلي يوم قيامتك
والخلايق واقفة صف
امام جلالتك
قل لهم عبدي استجار بي
عمره ما يوم لي زمجر
والمية واقفة في حشاي
وفي المثانة
وانا جسمي مش حمل الاهانة
وانت قادر وبعظمتك…
تفرجها حبة.
او تقطر
طب وانا ودينك ما هافطر
وارتعش
رعشة خلاصة
والشهادة جوا راسة
تنزل المية بكثافة
حتى لونها كان معكر
يترمي ع الارض يسجد
يا إلهي
تستجيب لي بين خضوعي
وانكساري
ردد الملكوت في قلبه
قم ياشيخ الله اكبر
قم ياشيخ الله اكبر

—————————-
(من ديوان لملم دموعك ياقمر)

مواضيع متعلقة