عصفور في الدار

img

مش أول مره
يضيع من لمسة أيدي حبيب
وملامحه في عيني
قمر ما يغيب
بتاخدني الفكره لذكري قديمه تحيرني
في ما بين إمبارح
كان طارح
عصفور في الدار
بجناح دوار
بيرفرف عمره ويفرفر
وف لحظه اهو طار
فمحدش ياخده من حضني
ويقول لي اهو مات
أنا شايفه في جنة أحلامي
وشفايفه بتضحك قدامي
أجمل نغمات
وانا نايم
يلعب لي في شعري
وصوابعه صغار
أتغطي بحضه ف أحلامي
دا أعز حبيب
من بعد رحيله للجبه
وقلوبنا ف نار
أقري له الفاتحه وأحيانا
عن وعيي بغيب
أنا نفسي أكتب لك
مشتاق لك
أنا جي قريب
والوجع الطالع في بعادك
بيشق آهات
والقلب بينزف بحروفي
والورقه بتحبل بالكلمات
أشواقي ألاقيها بتندهلك
والقاك تدخلني في احلامي
والكل ف عطشه بيعاني
تسقيني حليب
أستطعم
واما احضن طيفك
يتبخر عطرك في عروقي
وف لحظه تغيب
يا أعز حبيب

—————-
من ديواني(عصفور الروح)

مواضيع متعلقة