فيرجينا

img

وبتسألوني
روحها حلوه
هي لما الدنيا تصحي
تشتهي ضحكة عينيها
والزهور لما تشوفها
الجمال بيبان عليها
والقمر إن شاف خدودها
يحكي فيها 1000 غنوه
لما روحي ترتجف
قلبها بيكون لي خلوه
وبتسألوني
روحها حلوه
لما تتكلم
يتوه العقل في حروفها البريئه
ورده نديه مفتحه
صافيه …..رقيقه
والطيور من فرحها
ترقص سعاده
والشفايف شهد سايل
حتي سكرها بزياده
والأكاده
لما اسرح في كيانها
ألقي روحي ف حضنها
جوه محراب العباده
وبتسألوني
روحها حلوه
هي فرجينيا الجميله
أي لمسه من إديها
تشفي اي قلوب عليله
لمسه دافيه
روحها نسمة صبح صافيه
ع المداين والكفور
زي أشجار الكافور
هي وطني ومذهبي
إن حد حاول جرحها
الحب والغيره تثور
فطرة الروح البريئه
ضمه واحده ف حضنها
يتقلب حلمي لحقيقه
وبتسألوني
روحها حلوه
هي هي
خلاصة الروح الزكيه
هي ناعسه او بهيه
عطرها لآخر مدي
فطره من ربي
لقلوب العاشقين
في المبتدي
زى الورود حاضنه الندى
تروي عطاشا مجروحين
يسرح حنانها في العروق والاورده
تسعد جميع الكائنات
حتي الجماد بينتشي
من عطرها
نفس الحنين يوصل بروحه
م الحسين للسيده
كل ده وبتسألوني
روحها حلوه
هى ساكنه جوه روحكوا
في الضلوع والأورده

——————————–
من ديواني(حكاوي الليل)

مواضيع متعلقة